موږ وپېژنئ

فوکس له څو مدني ټولنو څخه جوړه يوه شبکه ده چې د بېلابيلو ملي او نړيوالو ادارو  تکړه کارپوهان، خبريالان، ليکوالان، پروډيوسران او ايډېټران يې غړيتوب لري لکه د بي بي سي راډيو د تعليمي پروګرامونو ټرېنر ژورناليستان، جنوبي اسيا د ازادو رسنيو ټولنې  (SAFMA) ځينې پخواني غړي، د  سيمه ييزو خبريالانو ټولنې  او د ژورناليزم د پوهنځي ځينې استادان ورسره همکاري کوي.پر دې سربېره ځينې فرهنګي، علمي، ښځو او ځوانانو ټولنې هم همکاري ورسره کوي. دې  ګروپونو او افرادو د تېرو څوارلسو کالو په اوږدو کې د افغانستان بېلابيلو ولايتونو ته سفرونه کړي،  مدني ټولنې يې تاسيس کړي، د تشکيلاتو او پروګرامونو په برخه کې يې روزلي او  د عدالت غوښتنې په برخه کې يې د هغوی ننګه کړې چې په دې ډول يې له هغوی سره دوستانه اړيکې جوړې شوي دي.

د ۱۳۹۳ ه ش کال د کب د مياشتې پر پنځمه نېټه د دې ګروپونو او افرادو کارونه لا منظم او د (Focus Development Organization)  په نوم يې شبکه جوړه او د فعاليت جواز تر لاسه کړ.  فوکس شبکې  تعليمي چارې، فرهنګي چارې، عدالت غوښتنه، سروې، تحقيق او زده کړه د خپل فعاليت  ساحات  وټاکل او په کابل کې يې دفتر پرانيست.په لومړي ګام کې يې د سيمه ييزو رسنيو ټولنه جوړه کړه چې په لږ وخت کې يې د افغانستان  په  ټولو ولايتونو کې تود هرکلی وشو، ګڼ شمېر سيمه ييزو رسنيو يې غړيتوب ومانه چې ډېری برخه يې راډيوګاني دي. فوکس که څه هم د هېواد په ګوټ ګوټ کې د ملي موسسې په نوم پېژندل کېږي او د افغانستان د نافذه قوانينو په چوکاټ کې فعاليت کوي، خو  فکر یې نړیوال او د پرمختيايي پروګرامونو په لړ کې نړيوال معيارونه هم په پام کې نيسي.